Xuegos y tutoriales - Centro Prerrománico Asturiano

Un xuegu de preguntes pa descubrir tolos secretos de Santa María de Naranco. ¿Una pista? Toles respuestes tán na nuestra web.

Aconseyáu pa públicu infantil de 8 a 10 años.

Recortables pa descargar, imprimir y poner en pie Santa María de Naranco. Una maqueta ye más cenciella y otra un poco más difícil. 

Una maqueta pa construyir San Salvador de Valdediós, tamién llamáu’l Conventín.

Pa pintar o usar las yá coloriaes. Estes marionetes non articulaes pueden montase pa crear histories con personaxes variaos de la Edá Media. 

Con color: campesina, campesín, cura, monxa, noble, dama, reina y rei.

Pa coloriar: campesina, campesín, cura, monxa, noble, dama, rei y soldáu.

Depués de construyir edificios únicos, ye menester defendelos y protexelos pa que duren otros 1.000 años. Pa salvaguardar los monumentos del Prerrománicu Asturianu  pueden utilizase estos escudos coles sos agarraderes, disponibles pa imprimir y apegar en cartón. 

Les combinaciones del Sistema Lupo son infinites pa montar pieces en papel y construyir:

Ventana de Santa María de Naranco. Dificultá alta.

Ventana Santa María de Naranco. Dificultá media.

Torre de castiellu. Dificultá baxa.

Xugamos y descubrimos dellos aspectos de les incursiones vikingues n’Asturies con fragmentos d’imáxenes y d’histories de los trabayos ganadores o participantes nel Concursu de Cómic La navegación vikinga nel Reinu d’Asturies.

Una manualidá cenciella y vistosa pa facer y decorar la nuestra propia corona y que quede bien claro quién ye’l rei o la reina.

Dirixío a: Educación Infantil.

Pa crear celosíes vistoses como les usaes nel Prerrománicu Asturianu con materiales reciclaos como los rollos de papel hixénico. Con una planificación bona pal so diseñu y un poco d’imaxinación na so decoración, el resultáu va ser espectacular.

Dirixío a: primer y segundu ciclu de Primaria.

Mostramos dellos elementos escultóricos y pictóricos o d’orfebrería del arte Prerrománicu, que con ayuda de plantiyes descargables pueden replicase. Vamos  usar un xel especial que, desque tea seco, pue apegase ensin dexar manches a cristales o espeyos.

Dirixío a: a partir de segundu d’Educación Primaria.

Versión dixital del concursu pa poner a prueba los nuestros conocimientos sobre los monumentos del Prerrománicu Asturianu y la monarquía del Reinu d’Asturies. 

Dirixío a: a partir de segundu ciclu de Primaria.

Vamos descubrir les característiques principales de la pintura mural del Prerrománicu Asturianu. Bien llueu, con ayuda de cartulina, tisories y pegamín, vamos adientranos nes representaciones maraviyoses de Santuyano, recreando esti monumentu Patrimoniu Mundial en 3D p’adornar les nuestres cases.

Dirixío a: a partir de segundu ciclu de Primaria/Secundaria.

Pasatiempos y cosadielles rellacionaos col Prerrománicu y la monarquía d’Asturies.

Dirixío a: tolos ciclos educativos.

Pa conocer cómo yera la vida medieval al traviés de los clicks de Playmobil.

Dirixío a: tolos ciclos educativos.