Xornada de Puertes Abiertas pa profesoráu y los/les monitores de centros educativos
Proponémoste esta visita de toma de contactu pa conocer tolos espacios del Centru y les actividaes qu’entama. Tamién se visiten los monumentos de Santa María de Naranco y San Miguel de Lliño.
Fechas: 24 de setiembre del 2026 y el 8 d’abril del 2027, a les 16:00 hores.
Participantes: máximu, 20.
Cómo participar: esta actividá ye gratuita y precisa acutar primero al traviés del corréu reservas@turismoycultura.asturias.es
1. Opciones de visita nel Centru del Prerrománicu Asturianu
Visita guiada
Un percorríu de 45 minutos adaptáu a tolos ciclos (a partir de 5 años) pela esposición, formada por paneles y maquetes secuenciaos d’alcuerdu con delles etapes de la monarquía asturiana, les construcciones conservaes de los reinaos más destacaos y les característiques de caún de los monumentos que lu componen.
Preciu: esti serviciu ye gratuitu.
Información importante:
- Requier reserva con antelación.
- Grupos hasta 25 persones.
- Posibilidá de realizar la visita n’idiomes inglés, francés y italianu (Nivel B1).
- Ponemos a la vuestra disposición una audioguía (aplicación móvil) disponible n’español, asturianu, inglés, francés y alemán.
Actividaes con BLINCA
Cuatro propuestes pa esti cursu de la mano de BLINCA:
- ¿Quién sabe más del Prerrománicu? Vamos resolver preguntes y retos rellacionaos cola monarquía asturiana, la cultura y el patrimoniu al traviés d’un trivial xigante.
- Yincana “Reinas Astures”. Enigmes sobre les grandes escaecíes de la dómina prerrománica que fixeron posible aliances y tronos.
- L’usurpador. Xuegu dixital combináu con elementos reales, onde han descubrir quién foi’l "usurpador".
- Construyendo a lo grande. L’alumnáu va tener que llevantar la so propia versión de les construcciones medievales con pieces d’espluma.
Dirixío a: propuestes adaptaes a tolos ciclos a partir de 1.u d’Educación Primaria.
Preciu: 3 €/persona. Duración: 60 minutos.
Participantes: máximu 25 persones por aula.
Condiciones: requier reserva previa con una antelación mínima de 15 díes.
Visita a los monumentos
A pocos metros del Centru atópense dos monumentos prerrománicos declaraos Patrimoniu Mundial pola UNESCO: Santa María de Naranco y San Miguel de Lliño, los dos construyíos baxo’l mandatu del rei Ramiro I. La Parroquia de Santa María la Real de Naranco (Diócesis d’Uviéu) xestiona les visites a los dos monumentos.
Pa más información: 638 260 163 (teléfonu de la parroquia, contactu per Whatsapp).
2. Actividaes que se pueden realizar nel Centru del Prerrománicu Asturianu o nel centru educativu
Yincana Monumentos del Prerrománicu con Blinca
Yincana onde los participantes van tener que completar delles pruebes y xuegos rellacionaos cola dómina medieval y el contestu del Prerrománicu. Les pruebes de la yincana han “lleese” al traviés de códigos QR que-yos ufierta información sobre’l xuegu.
Dirixío a: yincana adaptada a tolos ciclos a partir de 1.u d’Educación Primaria.
Preciu: 75 €/sesión. Duración: 60 minutos.
Participantes: máximu 25 persones por aula. Cada grupu xébrase en dos, atendíu de manera simultánea.
Observaciones: ye preciso especificar si reserven yincana analóxica o dixital.
Caxa didáctica Vida na Edá Media
Kit p’afondar n’aspectos rellacionaos cola vida cotidiana na Alta Edá Media peninsular. Los oxetos son répliques d’orixinales históricos, de calidá alta, confeccionaos colos materiales afayadizos. El kit contién esplicaciones necesaries pa la comprensión de los materiales: la so datación, el so usu, contestu históricu, etc.
Temes que se traten: hixene, alimentación, el procesu testil, el mundu de la guerra, la infancia, la relixón, el trabayu nun scriptorium y los sos pigmentos.
Dirixío a: adaptáu a tolos ciclos educativos dende Infantil a Bachilleratu.
Pue solicitase:
- N’empréstamu, asumiendo’l centru escolar el costu deriváu de la recoyida y entrega.
- Pue realizase una esplicación nel Centru del Prerrománicu con miembros del grupu de Recreación La Guardia (45 min, 100 € / sesión).
- Pue facese una esplicación nel Centru del Prerrománicu (45 min, 3/€ por participante).
3. Actividaes que se pueden realizar nel aula
Actividá cola Escuela d’Esgrima Antigua nel centru educativu
La Escuela d’Esgrima Antigua propón esta actividad con dos partes estremaes. Na primer parte va haber una exhibición por parte de los miembros de la Escuela d’Esgrima Antigua onde muestren el so arte, espliquen en qué consiste y faen una serie de combates con armes de dómines diverses pa mostrar la so evolución. Na segunda parte van usar les sos répliques infantiles de foam, que dexen lluchar de forma segura ensin protecciones (anque integren la careta p’ayudar a la inmersión), sacando a escolares voluntarios a lluchar ente ellos como momentu distendíu onde van poner a prueba lo visto na charla. Tamién hai una parte pequeña dedicada a que l’alumnáu pueda garrar y sostener los simuladores de metal pa sacar semeyes y ver el so pesu.
Dirixío a: adaptáu a tolos ciclos educativos a partir de 1.u de Primaria.
Duración: 55 min por pase, aproximao.
Preciu: 100 € por sesión.
Concursu escolar
El Centru promueve la XV edición del Concursu Patrimoniu con Arte que convídanos a confeccionar un audiocuentu d’ente cinco y diez minutos. Ta dirixíu a centros d’enseñanza dende Terceru de Primaria hasta Bachilleratu. Descargar Bases del concursu.
El plazu d’unviu d’obres va acabar el 11 d’avientu del 2026, a les 14:00 hores.
Otros recursos
Recursos didácticos gratuitos como vídeos, tutoriales, esposiciones, etc. equí.
Xestiona la to reserva
Actividaes a midida: si yá nos visitasti y quies facer otra actividá, ponte en contactu col Centru y, a tenor del númberu de persones, del grupu y edá, vamos diseñar l’actividá que más s’afaiga al grupu. Tamién podemos facilitar presupuestu de tresporte dende’l sitiu d’orixe n’Asturies.
Reserves: pueden tramitase per delles víes:
- nos teléfonos 902 306 600 - 985 185 860. Nesti teléfonu tamién vamos resolver toles duldes que te surdan al pensar na visita al Centru.
- al traviés del mail reservas@turismoycultura.asturias.es unviando formulariu de reserva.
El públicu escolar que nos visite a lo llargo d’esti cursu va recibir dos fiches didáctiques, una de Santa M.ª y otra de San Miguel de Lliño. Si amás fai una visita familiar a posteriori y trai la ficha rellenada, va recibir una maqueta pa construyir ún de los Monumentos del Naranco y un póster colos monumentos prerrománicos.