La cronoloxía del edificiu ye incierta. Ante la falta de datos esteriores del edificiu -inscripciones, menciones documentales-, la propuesta de fechación tien de sofitase en comparances formales del material decorativu, cuidao que´l tipu arquitectónicu caltiénse fixu a lo llargo de los sieglos IX y X. Los capiteles postulen una fecha non anterior a la segunda metá del sieglu IX, pos paecen acusar la inspiración nos tipos corintios de los miradores de Santa María de Naranco.
La advocación ye un testimoniu importante pa establecer l´avance de la devoción a Santiago nel Reinu d´Asturies, que se manifiesta coetáneamente nes dedicaciones d´altares llaterales en Valdediós y Priesca.
La so disposición espacial respuende al modelu basilical asturianu, anque diverses reformes alteriaron notablemente partes sustanciales del primitivu edificiu. Consta de tres naves de cuatro tramos, estremaes por arcos de mediu puntu en lladriyu sobre pilares exentos monolíticos. La cabecera orixinal constaba de tres capiyes rectangulares enfiñíes en muriu testeru rectu. Caltuviéronse ensin alteraciones les dos capiyes llaterales. La central baltóse na so totalidá en 1853, sustituyéndose pola fábrica actual. Sicasí, conozse la so planta al habese documentao´l muriu testeru na escavación arqueolóxica executada con ocasión de la restauración fecha nos años 1983-1987.
A entrambos llaos Norte y Sur de les naves llaterales alzáronse les correspondientes habitaciones llaterales abiertes a los tramos orientales respectivos, de les que se caltién ampliada y reformada la meridional, siendo baltada la septentrional.
La disposición del espaciu occidental foi fondamente modificada al baltase l´allongamientu de la nave central con ocasión de la construcción del actual anexu occidental, fecha posiblemente en 1877. Caltuviéronse intactos los dos departamentos llaterales de la planta inferior d´esti antecuerpu. Nel espaciu central alzóse en tiempos una tribuna, de la qu´hai testimonios escritos dende principios del sieglu XVII, y de los sos enxareyaos constructivos caltiénense testimonios nos paramentos septentrional y meridional de dichu espaciu central.
La cubierta consiste en bóvedes de cañón nes capiyes de la cabecera y carpintería de madera nes naves.
La decoración escultórica apaez namás nos capiteles que rematen los sofitos de les arqueríes divisories de les naves contra los murios Oeste y Este del cuerpu basilical. Los pilares de les arquerías divisories de les naves disponen de les habituales impostes de bloque con moldures cencielles, típiques de los edificios asturianos.
L´aspectu esterior ta fondamente desfigurado pol anexu occidental, el cabildru meridional, el campusantu septentrional y la espadaña enorme. La cronoloxía del edificiu ye incierta. Ante la falta de datos esteriores del edificiu -inscripciones, menciones documentales-, la propuesta de fechación tien de sofitase en comparances formales del material decorativu, cuidao que´l tipu arquitectónicu caltiénse fixu a lo llargo de los sieglos IX y X. Los capiteles postulen una fecha non anterior a la segunda metá del sieglu IX, pos paecen acusar la inspiración nos tipos corintios de los miradores de Santa María de Naranco.
La advocación ye un testimoniu importante pa establecer l´avance de la devoción a Santiago nel Reinu d´Asturies, que se manifiesta coetáneamente nes dedicaciones d´altares llaterales en Valdediós y Priesca.
La so disposición espacial respuende al modelu basilical asturianu, anque diverses reformes alteriaron notablemente partes sustanciales del primitivu edificiu. Consta de tres naves de cuatro tramos, estremaes por arcos de mediu puntu en lladriyu sobre pilares exentos monolíticos. La cabecera orixinal constaba de tres capiyes rectangulares enfiñíes en muriu testeru rectu. Caltuviéronse ensin alteraciones les dos capiyes llaterales. La central baltóse na so totalidá en 1853, sustituyéndose pola fábrica actual. Sicasí, conozse la so planta al habese documentao´l muriu testeru na escavación arqueolóxica executada con ocasión de la restauración fecha nos años 1983-1987.
A entrambos llaos Norte y Sur de les naves llaterales alzáronse les correspondientes habitaciones llaterales abiertes a los tramos orientales respectivos, de les que se caltién ampliada y reformada la meridional, siendo baltada la septentrional.
La disposición del espaciu occidental foi fondamente modificada al baltase l´allongamientu de la nave central con ocasión de la construcción del actual anexu occidental, fecha posiblemente en 1877. Caltuviéronse intactos los dos departamentos llaterales de la planta inferior d´esti antecuerpu. Nel espaciu central alzóse en tiempos una tribuna, de la q´hai testimonios escritos dende principios del sieglu XVII, y de los sos enxareyaos constructivos caltiénense testimonios nos paramentos septentrional y meridional de dichu espaciu central.
La cubierta consiste en bóvedes de cañón nes capiyes de la cabecera y carpintería de madera nes naves.
La decoración escultórica apaez namás nos capiteles que rematen los sofitos de les arqueríes divisories de les naves contra los murios Oeste y Este del cuerpu basilical. Los pilares de les arquerías divisories de les naves disponen de les habituales impostes de bloque con moldures cencielles, típiques de los edificios asturianos.
L´aspectu esterior ta fondamente desfigurado pol anexu occidental, el cabildru meridional, el campusantu septentrional y la espadaña enorme.
Accesos
Colunga - Gobiendes.
Horariu
Hasta'l 15 de xunu
- Sábados, domingos, festivos y 16, 17 y 18 d'abril, a les 14:00 hores.
Del 16 al 30 de xunu
- De xueves a domingos y festivos, a les 14:00 hores.
Demás díes, consultar disponibilidá en 655 809 773.
Tarifes
- Xeneral: 2,50 €.
- Reducida: 2 € (grupos a partir de 20 persones, de 3 a 11 años y persones con discapacidá).
- Gratis: neños/es de 0 a 3 años.
Contactu
Imprescindible realizar reserva previa pa cualquier tipu de visita a la ilesia de Santiago de Gobiendes. Imprescindible acutar primero al traviés del teléfonu 655 809 773.
Les entraes pa visitar Santiago de Gobiendes cómprense en C.I. Sierrra del Sueve.
Nel C.I. Sierra del Sueve pue visitase una esposición sobre Santiago de Gobiendes.