La ilesia actual de San Tiso ye una construcción que sufrió reformes importantes en dellos periodos, la postrera nel sieglu XX, que-y da la traza que güei vemos. Fundada alredor del añu 812 pol rei Alfonso II el Castu, del so edificiu prerrománicu primitivu namás queda visible la parte cimera del testeru del ábside central, con un vanu de tres arcos de lladriyu romano, capiteles, columnes de mármole y bases reaprovechaes d´una construcción tardorromana, too ello enmarcao por un alfiz.
Esti vanu tríforu tien asemeyances colos abiertos nes ilesies de Santuyano, San Pedru Nora y Santa María de Bendones, toes elles llevantaes nel sieglu IX.
Accesos
Uviéu. Catedral de San Salvador. Plaza d´Alfonso II El Castu.
El testeru prerrománicu vese dende fuera.
