Esterior
La entrada al edificiu faise per un accesu alternativu al traviés d’un senderu que lleva a la parte posterior del edificiu. Dende ehí, un camín de celosíes de formigón lleva a la puerta principal. Una rampa metálica portátil salva l’escalón d’entrada a la esposición (pue solicitase’l so usu de la que se llegue al Centru).
Interior
- El percorríu interior ye accesible.
- El Centru cunta con baños adaptaos.
- Los audiovisuales de la esposición tán subtitulaos pa persones con problemes d’audición y locutaos pa persones con discapacidá visual.
- Les guíes de mano y audioguíes tán disponibles en dellos idiomes
- Dalgunos de los conteníos de la esposición tán disponibles en braille.
- Al traviés del nuestru llibru de comunicación, les persones con necesidaes comunicatives especiales tienen la posibilidá d’entrugar duldes y pidir información.
- Hai a disposición del públicu mochiles portabebés p’aquellos visitantes que precisen del so usu. Pueden solicitase na Recepción.
- Na Recepción hai instaláu un bucle magnéticu y el Centru cunta con un emisor móvil y trés llazos d’inducción pa que les persones con audífonos o implantes cocleares reciban directamente l’audio del guía
- Cunta con maquetes de San Salvador de Valdediós, Santuyano, Santa María de Naranco y San Miguel de Lliño, esta última una reconstrucción en 3D realizada por Lorenzo Arias y Sara Díaz de cómo pudo ser orixinariamente la ilesia primero de perder les sos dos terceres partes. La maqueta de San Miguel de Lliño cunta con un corte lonxitudinal que dexa ver tanto l’interior como l’esterior d’esta y que val pa esplicar, observar, y tocar nel casu de visitantes con discapacidá visual, tolos elementos del monumentu.
- El Centru dispón amás de delles pieces impreses en 3D, que son afayadices sobre manera pa que les persones con dificultá de visión puedan conocer la forma d’elementos emblemáticos de la orfebrería del Prerrománicu como son la Cruz de los Ánxeles y de la Victoria o averar detalles decorativos como la cruz tallada na fachada de San Salvador de Valdediós o una de les celosíes de la ilesia de San Miguel de Lliño.
- Nel equipamientu hai dos maniquinos con ropa de texíu diverso que dexen esplicar el procesu testil de la Edá Media y, baxo reserva previa, tán disponibles dellos caxones con oxetos que se pueden tocar y manipular pa esplicar d’una forma didáctica aspectos diversos de la vida na dómina del Reinu d’Asturies (como hixene y alimentación, mundu testil, el trabayu nun scriptorium, el mundu militar o’l xuegu).
Si tienes pensao visitanos con dalgún grupu con persones con discapacidá, ponte en contactu col Centru y adaptamos la visita a les necesidaes del grupu.