Llaboral Ciudá de la Cultura recíbenos esta seronda con un programa d’actividaes enllenu de música, artes escéniques, cine y talleres pensaos a costafecha pal públicu infantil y familiar.
Los ritmos de CantaJuego van dar pasu a espectáculos máxicos que nos van dexar cola boca abierta, obres que van facer que la imaxinación nos lleve a sitios remotos, acompañaos de personaxes de cuentu que nos van enseñar que too ye posible.
Nos talleres, grandes y pequeños van valise de la ciencia p’ayudar a salvar el planeta, van xugar con oxetos que garren vida, van dexase llevar pola música y el baille o van usar técniques de stop motion pa crear la so propia película.
