sub1SELECT imagen FROM sub_secciones_web WHERE id='60'
Centro de Recepción e Interpretación del Prerrománico Asturiano
Facebook
Twitter
Instagram
Youtube
App Móvil

En Oviedo

Santa María de Bendones

Información xeneral

L´aspectu actual ye la resultancia d´una llarga y polémica reconstrucción d´un edificiu que s´identificó cuando l´alzáu calteníu nun superaba´l 50% de la fábrica orixinal. Presenta, por cuenta d´esta circunstancia, aspectos irresolubles, que torguen estrayer tol so significáu a esti enigmáticu templu. Paez, sicasí, seguro que la torre asitiada xunto al ángulu SO nun pertenez al proyectu orixinal, permaneciendo desconocida la so fecha de construcción.

Nun tenemos nenguna referencia coetánea que dexe asitiar sobre bases sólides la cronoloxía d´esti edificiu. L´únicu datu válidu ye´l restu de pintura mural del intradós del arcu d´ingresu a la capiya central, con un motivu similar a los calteníos en Santuyano. Esta circunstancia dexa proponer la fecha del sieglu IX, ensin escluyir una datación inclusive a primeros del X, como atestigua la pervivencia de la mesma tradición pictórica en San Salvador de Priesca, consagrada en 921.

Consta d´una nave tresversal amplia y lluminosa, que s´abre a una triple cabecera rectangular, enfiñida nun únicu muriu testeru rectu. Ta precedida por un pórticu tripartitu, d´alzáu simple, que tien les sos dependencies llaterales aisllaes de la nave, comunicándose namá cola dependencia central. A entrambos llaos septentrional y meridional de la nave apaecen dos recintos rectangulares de función entá por esclariar, dada la falta de datos sobre´l so calter orixinariamente abiertu o zarráu. Nel primer casu, habríen de ser interpretaos como pórticos; nel segundu, corresponderíen a les habituales dependencies llaterales del tipu basilical asturianu. Sobre la capiya central de la cabecera reconstruyóse con fundamentu una cámara supraabsidal ciega.

Les naves, pórticos, dependencies llaterales y capiyes llaterales de la cabecera cúbrense con armadures de madera, emplegándose la bóveda puramente na capiya central. Ye ésta una circunstancia que particulariza a esti edificiu dientro de l´arquitectura hispánica altomedieval, yá que, por norma xeneral, los santuarios tán abovedaos en tolos edificios nos que los sos alzaos llegaron a los nuesos díes. Namá la capiya central apurrió datos sobre la presencia nella d´un altar. La esistencia d´altares nes capiyes llaterales puede deducise de la presencia de buelgues pal encastre de canceles énte les capiyes central y meridional. Colgando de la bóveda de la capiya central topáronse argolles destinaes a sirvir de gabita pa llámpares y relicarios, tal que se documenten n´otros templos altomedievales asturianos.

Datos d´interés

Accesos
Uviéu. Parroquia de Bendones.

Bus TUA llínia 3. Parae San Esteban. Información: www.tua.es

Observaciones
Consultar visites na Casa d’Aldea “El Mirador de Bendones” (985 94 23 65).