Español Inglés Francés
Prerromanico Asturiano
AGENDA

Presentación del libro Los clamores de la Tierra de Fulgencio Argüelles

7 de diciembre de 2019, 12:00 h.

(Más Info)


De Itinerarios por el Patrimonio. Prerrománico Asturiano: Oviedo y Lena

5 de octubre (plazas completas) y 7 de diciembre de 2019, a las 09:00 h.

(Más Info)


"Pruévalo e verás ques çierto". Recetarios europeos de los siglos XIII al XVI

Del 15 de noviembre al 29 de diciembre de 2019 y del 1 al 29 de febrero de 2020

(Más Info)


Club de lectura

18 de octubre, 22 de noviembre y 20 de diciembre de 2019, de 16:00 a 18:00 h.

(Más Info)


Consultar toda la Agenda

logo-unesco-prerromnico 

banner_ok

 

En Oviedo

Fonte de Foncalada

Información xeneral

foncaladaEsti monumentu, testigu únicu de l´arquitectura hidráulica del Altu Medievu européu, ye l´elementu peor conocíu de la herencia arquitectónica del reinu d´Asturies. La primer mención documental data de fines del sieglu XI (1096), onde se recueye la so presencia como un finxu topográficu destacáu.

El monumentu mesmu tuvo abondosamente percorríu por inscripciones, de les que namá resulta lleíble la principal, asitiada na fachada del templete. L´analís de les traces de les lletres d´esta inscripción, bien asemeyaes a les de la inscripción de Santiso d´Uviéu, dexa proponer como fecha probable de la so construcción la primer metá del sieglu IX.

Na so descripción vamos estremar los tres elementos constitutivos del monumentu: estanque, edículu y canal, tal que s´afayaron nes escavaciones feches na década de 1990, que permitieron devolver al edificiu tola so grandiosa monumentalidá.

L´estanque compónse d´una plataforma de bloques caliares enormes, yuxtapuestos con munchu procuru, delimitada llateralmente por dos alliniaciones muraries. L´anchor interior ye de cuatro metros; el llargor total nun pudo determinase, pero supera los catorce metros no que ta esteno anguaño. P´aportar al interior construyéronse dos escaleres al pie de la fachada principal del templete.

L´edículu o templete ye una construcción trapecial en planta, d´unos 4x3 metros, y un altor llixeramente superior a los 4 metros. L´apareyu ye de sillería, de módulu allargáu, con xuntes bien fines de morteru caliar. Nes fachaes Oeste y Este dibúxense dos arcos adovelaos en piedra, de mediu puntu, de rosca única. Na fachada Este l´arcu allárgase al interior como bóveda que recubre una cámara interior, de 2´50 metros d´altor máximu.

La canal d´alimentación desaterróse namá nuna parte bien pequeña. Ta formada por una caxa grande de bloques caliares, casi ciclópeos, que s´amiesta na fachada posterior del edículu. La relación constructiva y la uniformidá de les cotes del camarín interior del templete cola del interior de la canal indiquen con claridá que se trata d´obres simultánees.

Nun se conoz la procedencia del agua, nin tampoco se pudo determinar si se trata d´un afloramientu cercanu o d´una recoyida y enriamientu d´un caudal d´orixe alloñáu.

Datos d´interés

Accesos
Uviéu. C/ Foncalada.


Observaciones

Gratuitu. Atópase na vía pública.

Este proyecto ha sido financiado por el Ministerio de Cultura del Gobierno de España.